slide: ㅤ

ყველაზე ემოციური, გამორჩეული და ჯადოსნური დღესასწაულის - ახალი წლის დადგომამდე სულ ცოტა დრო რჩება. თუმცა, ამ პერიოდს, მხიარულებასა და დიდებულებასთან ერთად, სევდა და მელანქოლიაც ახლავს თან. ამის მიზეზი კი ისაა, რომ სამწუხაროდ, ახალი წელი ყველასთვის ჯადოსნური ნამდვილად არ არის. თუკი წინასაახალწლო ფუსფუსს მცირე ხნით მოვწყდებით, მაშინვე შევამჩნევთ, რომ ჩვენ გარშემო უამრავი სოციალური პრობლემაა. ამაზე ზრუნვა კი, თითოეული ჩვენგანის პასუხისმგებლობაა. 

სწორედ ამ საზოგადო პრობლემებსა და ზრუნვის მნიშვნელობას ეძღვნება ჩვენი საახალწლო კამპანია, რომელიც მიზნად ისახავს, სასიკეთო ცვლილებების მისაღწევად, რაც შეიძლება მეტი ადამიანი გააერთიანოს. 

ეს პლატფორმაც - www.tegeta.care, სადაც ახლა გვესტუმრე, კამპანიის ფარგლებში შეიქმნა და ერთ სივრცეში აერთიანებს იმ ორგანიზაციებსა თუ პროექტებს, რომლებიც მწვავე პრობლემების მოგვარებაზე ზრუნავენ. 

slide: ვახტანგ კაჭარავა

„ზრუნვის მსურველ ადამიანებს ვაძლევთ შესაძლებლობას, შემოგვიერთდნენ, მარტივად გააკეთონ დონაცია და ერთად უზრუნველვყოთ სასიკეთო ცვლილებები.“

ვახტანგ კაჭარავა

თეგეტა ჰოლდინგის აღმასრულებელი დირექტორი
„ზრუნვის ძალის თეგეტაში ყოველთვის გვჯეროდა. რომ დასვათ კითხვა, რას საქმიანობს თეგეტა? ჩვენი პასუხი იქნებოდა - თეგეტა ზრუნავს. ზრუნავს, რომ მომხმარებელს ავტომობილის ფლობის გამოცდილება გაუმარტივოს. ზრუნავს, რომ ბიზნესი განვითარდეს. ზრუნავს, რომ განათლების დონე ამაღლდეს, ადამიანებმა უფრო თანასწორუფლებიან გარემოში იცხოვრონ, ცხოველებმ აკი, უფრო უსაფრთხოში. ზუსტად ამიტომ ვეხმარებით სხვადასხვა ორგანიზაციას და ამიტომ შევქმენით პლატფორმა — Tegeta Care. ამით, ზრუნვის მსურველ ადამიანებს ვაძლევთ შესაძლებლობას, შემოგვიერთდნენ, მარტივად გააკეთონ დონაცია და ერთად უზრუნველვყოთ სასიკეთო ცვლილებები. ამავდროულად, www.tegeta.care ერთგვარი მედია პლატფორმაა საქველმოქმედო ორგანიზაციებისთვის - ემსახურება მათ შესახებ ცნობადობის გაზრდას და მუდმივად გაუწევს საინფორმაციო მხარდაჭერას.“ – ვახტანგ კაჭარავა, თეგეტა ჰოლდინგის აღმასრულებელი დირექტორი

თუ გინდა იზრუნო ბავშვებზე, მოხუცებზე, განათლებაზე, ცხოველებზე, გარემოზე, სიცოცხლეზე - შეგიძლია პლატფორმის მეშვეობით შეარჩიო შენთვის სასურველი ორგანიზაცია და დონაცია მარტივად გააკეთო.

26

ზრუნვის წელი

40+

განხორციელებული პროექტი

600

ასრულებული სურვილი

20+

პარტნიორი ორგანიზაცია