ზრუნვის ძალა ჯერ კიდევ მაშინ ვირწმუნეთ, როცა ბავშვობაში ჩვენზე ზრუნავდნენ. შემდეგ გავიზარდეთ და აღმოვაჩინეთ, რომ გარშემო უამრავი სოციალური პრობლემაა, ჩვენ გვერდით კი ცხოვრობენ ადამიანები, რომლებსაც მზრუნველობა სჭირდებათ.
მთავარი კითხვა ასე დაისმის: გჯერა, რომ ერთი კეთილი ქმედება სხვების მდგომარეობას გააუმჯობესებს? გჯერა, რომ უცნობ ადამიანზე ზრუნვა უკეთეს ადამიანად გაქცევს? გჯერა, რომ სასიკეთო ცვლილებებისთვის ერთი ადამიანის მონდომებაც საკმარისია?
რადგან ამ პლატფორმაზე იმყოფები, ესე იგი ყველა დასმულ შეკითხვაზე დადებითი პასუხი გაქვს. www.tegeta.care - შეიქმნა იმ იდეით, რომ ზრუნვა ცვლის სამყაროს და მისი მიზანია, ამ იდეის გარშემო, რაც შეიძლება მეტი ადამიანი გააერთიანოს. პლატფორმა ერთ სივრცეში აერთიანებს იმ ორგანიზაციებსა თუ პროექტებს, რომლებიც მწვავე პრობლემების მოგვარებაზე ზრუნავენ და საშუალებას აძლევს ნებისმიერ ადამიანს, შემოუერთდეს ერთიან სასიკეთო ინიციატივას.
